Search your Topic HERE....

March 30, 2017

Success Story of Rupesh Sonu Humane (Scale I Officer)

Leave a Comment

sponsored links

Name : Rupesh Sonu Humane

Qualification : B.A

Village : Keril Tal Mandangad

Dist : Ratnagiri  Maharashtra

Selected as Scale 1 Officer in Maharashtra Gramin Bank.

                 Bachapan se teacher banane ki khwaish thi isliye D.Ed. complete kiya. 2010  me Maharashtra me vacancies aai aur CET me ek marks se cut off nahi clear kiya. Uske bad mera struggle chalu hua. 2010 se 2013 tak ek private school me assistant teacher tha. Is sal me salary 1300
-4000 tak thi. Isme khud ka aur ghar ka kharcha mumkin nahi tha. Isi salo me maine  primary students ke liye classes chalu kiye. 3 sal me maine 39 students ko scholarship merit me laya.

Classes me bahut sare students the lekin mai satisfy nahi tha. Muze government  job chahiye tha.  Tab tak maine apna graduation arts faculty se complete kiya. Aur competitive exam ki taiyari karne laga. Ek chote se village me rahta tha to Guidance kisi ka nahi tha. Mobile ka network bhi proper nahi milta tha. 2013 me maine apni first exam SBI ki di tabhi mera age tha 25 years.


Is saal tak sab log IAS, IPS, PO bante hai aur mai to ab start kar raha tha. Sbi exam me 50 % questions to solve hi nahi kiye the isliye result dekha hi nahi. Fir se padhai start ki , guidance to kisika nahi tha to formulae ya trick khud hi banata tha. Reasoning syllogism aur puzzle to pura din leke baithata tha. Kyonki ans kaise aaya ye samjata hi nahi tha. Family se support nahi tha to job chod bhi nahi sakta tha. Usi saal IBPS Clerk ke liye intrtview ko selection hua. Lekin finally out.


Confidence thoda badh gaya tha, mai kar sakta hu aisa lag raha tha. Phir se padhai start ki aur phir ek baar IBPS clerk intrtview ke liye selection hua Aur phir finally out. Ab to mai guidance ke bare me sochne laga tha. Mumbai jake guidance lene ka irada tha Lekin koi option nahi tha. Finally career ke liye sab chodne ka decision liya aur Mumbai aaya. 2 month guidance liya aur self study chalu kiya. Education Marathi medium se hua tha aur exam English languege me de raha tha to bahut dikkat aati thi. Ab mera third attempt tha. Is baar IBPS clerk main exam me fail hua aur RRB assistant ke liye phir ek bar interview ke baad out hua.
     
Ab to exam ka dar lagne laga. Jo bhi confidence tha o zero pe aaya tha. Positivity gayab hui thi. Paisa khatam hua tha, support to kisi ka nahi tha. Age 28 years hua tha lekin mai haar nahi maan raha tha. Muze yakin tha ki ab itni padhai hui hai ki mai next exam to crack kar sakta hu. Lekin sath kisi ka nahi tha aur maine village jane ki taiyari ki. Is kahani ki puri details mai apne ek khas friend named Geeta posture ko batata tha. Usko bola agar koi muje ek chance dega to mai ab clerk nahi PO exam nikalkar dikhaunga. O khud hi taiyar ho gayi aur muje ek golden chance mila tha o mai gavana nahi chahta tha. Maine ek book me padha tha, jitna kathin sangharsh hoga..utni hi shandar jeet hogi.

Fir ek bar jordar taiyari karne laga.  Gr8AmbitionZ ko daily follow karne laga. Practice papers solve karne laga. Din me 14 hours tak padhai karta tha. Kabhi kabhi time pe khana bhi nahi khata tha. IBPS PO mains me overall cut off clear kiya lekin English me fail hua. finally IBPS RRB scale 1 officer ke liye Maharashtra gramin bank me selection hua.

Dar kahi aur nahi apne dimag me hota hai. Jab sath confidence aur jitney ki ummid ho to pura jahan apna hota hai. Failure ek step hai jiske upar chad ke ham success tak ja sakte hai. Agar tum failure se dar gaye to tum jindgi me kuch nahi kar sakte. Mehanat itni khamoshi se karo ki safalta shor macha de. Mai Gr8AmbitionZ ko thanks kahunga ki unone is mukam tak pahunchne ke liye help ki. Thank u all who helped me and specially thanks to Geeta.

           Thank You.
sponsored links

0 Responses:

Post a Comment